ميسي عادل أهداف بيليه كأكثر لاعب سجل أهداف لفريق واحد ب643

أحمد رياض منصور

الاسطوره ميسي عادل أهداف بيليه كأكثر لاعب سجل أهداف لفريق واحد ب643 هدف في عدد مباريات أقل، الجميل بقا إن الخريطة الحرارية لميسي طول مسيرته بتوضح إنه تدريجياً بيتحول من جناح للاعب رقم 8، مش 10 لا 9، لحد في آخر 4 مواسم فعلاً الخرائط الحرارية بتوضح قد إيه هو بعيد عن منطقة الجزاء، ورغم كدة خد الحذاء الذهبي 3 مرات من ال4، والموسم الي مفازش فيه بالحذاء الذهبي كان أكثر لاعبي العالم صناعة للأهداف فيه متفوق على كيفين ديبروين وتوماس مولر وهما في ال peak بتاعهم، رغم كل التخطبات الفنية والإدارية والنفسية وعدم الإستقرار في الموسم ده للفريق..

تخيل في نادي مفيهوش مشروع حقيقي منذ سنوات وبيمر بمرحله عجاف، وبيكسر الأرقام دي، امال لو كان في نادي مساعده على تحقيق أكبر استفادة منه مثلا، أو استثمار كل ثانية في عمره، كان ممكن يكون عمل ايه، ميسي اتحلب في برشلونة، وتم إستخدامه لترقيع قصور كتير في النادي، فشل بارتيمو خلال السنين دي كلها محدش دفع تمنه غير الجمهور من شغفهم، وميسي من عمره..

ميسي هو أعلى معدل تهديفي في التاريخ لكل اللاعيبة الي لعبوا اكتر من 400 ماتش على الأقل، وأكثر لاعب صنع أهداف في التاريخ، وأكثر لاعب سجل لنادي واحد في التاريخ، كل ده وهو مش مهاجم، كل ده وتمركزاته بعيدة عن المرمى أكثر من منافسيه..بينافس صناع اللعب، وبينافس الهدافين..

الحقيقة الي لازم تتقال بشجاعة، إن ميسي لاعب أندريتيد جداً، ومخدش حقه بما يوازي الي قدمه، وكان في الإمكان انه يقدم أكتر من كدة، لولا فشل الآخرين، رحل فالفيردي ورحل بارتيمو ولسه ميسي بيحاسب على المشاريب، لدرجة أنه مش عارف يحتفل بكسره لرقم بيليه بتسجيل 643 هدف في 748 مباراة فقط، أقل من بيليه ب 9 مباريات..

ميسي أندريتيد جداً، والي قدمه في الكورة يخلي كاريره اكبر من كدة بكتير، لكنه شال شيله مش شيلته خالص..